Bakı Xoreoqrafiya Akademiyasında (BXA) gənclərin sağlam həyat tərzinin təşviqi, narkomaniya və digər zərərli vərdişlərin fəsadları barədə məlumatlandırılması məqsədilə “Narkomaniyaya Yox!” mövzusunda maarifləndirici tədbir keçirilib.
Tədbirdə akademiyanın rəhbərliyi, müəllim-tələbə heyəti, eləcə də polis əməkdaşları iştirak ediblər.
Çıxış edənlər narkotik vasitələrin insan sağlamlığına və cəmiyyətə vurduğu zərərlərdən danışıb, bu istiqamətdə aparılan dövlət siyasəti və hüquq-mühafizə orqanlarının həyata keçirdiyi tədbirlər barədə ətraflı məlumat veriblər.
Həmçinin, polis əməkdaşları tərəfindən narkotik vasitələrin qanunsuz dövriyyəsi və istifadəsinin hüquqi məsuliyyəti haqqında məlumat verilib, tələbələri maraqlandıran suallar cavablandırılıb.
