Bakı Xoreoqrafiya Akademiyasının “Bakının ulduzları” xalq çalğı alətləri ansamblının üzvlərinə Təşəkkürnamə təqdim edilib

Bakı Xoreoqrafiya Akademiyasının (BXA) “Bakının ulduzları” xalq çalğı alətləri ansamblının üzvlərinə Azərbaycan SSR-in Əməkdar artisti Əhsən Dadaşovun 100 illik yubileyinə həsr olunmuş xalq çalğı alətləri ansambllarının televiziya müsabiqəsində fəal iştirakına görə Təşəkkürnamələr təqdim edilib.

Təşəkkürnamələrin təqdimetmə mərasimində BXA-nın rəhbərliyi və “Bakının ulduzları” xalq çalğı alətləri ansamblının üzvləri iştirak edib.

Tədbirdə “Bakının ulduzları” xalq çalğı alətləri ansamblını müsabiqədə böyük peşəkarlıq nümayiş etdirdiklərinə görə təbrik edib, onlara gələcək fəaliyyətlərində uğurlar arzulayıblar.

Daha sonra  “Bakının ulduzları” ansamblının rəhbərinə və üzvlərinə Təşəkkürnamələr təqdim edilib.