Qazaxıstanlı xoreoqraf Akmaral Kaynazarova Bakı Xoreoqrafiya Akademiyasında (BXA) hind klassik rəqsi üzrə ustad dərsləri keçirib.
Ustad dərslərindən öncə A. Kaynazarova ilə BXA rəhbərliyi arasında görüş keçirilib. Görüşdə qonağa akademiyanın təhsil pillələri, dərs prosesi, beynəlxalq müqavilələr və spesifik dərslərdə tətbiq olunan yeniliklər barədə məlumat verilib.
Eyni zamanda, A. Kaynazarova fəaliyyəti və
keçirdiyi ustad dərsləri haqqında məlumat paylaşıb.
Sonra Akmaral Kaynazarova tərəfindən ustad dərslərinə start verilib.
Ustad dərslərində BXA-nın müəllimləri, tam orta təhsil pilləsinin şagirdləri və orta ixtisas təhsili pilləsinin tələbələri iştirak ediblər.
Dərs çərçivəsində A.Kaynazarova şagird və tələbələrə hind rəqslərində bədən hərəkətlərinin dinamikliyi, dramatikliyi və s. barədə məlumat verib. Hind klassik rəqslərində boyun, göz, baş, gövdə və digər hərəkətləri əyani olaraq göstərib və tələbələrlə birgə ifa edib.
