Azərbaycan Respublikasının Əməkdar artisti
Qısa bioqrafik məlumat
Doğum yeri və tarixi:
Azərbaycan, Bakı. 01.03.1986.
Təhsili:
1993-2004-cü illərdə Bakı Xoreoqrafiya Məktəbində Balet artisti ixtisası üzrə təhsil alıb. 2006-2010-cu illərdə Ukrayna Dövlət Akademiyasında Menecment ixtisası üzrə təhsil alıb.
Əmək fəaliyyəti;
2002-ci ildə Azərbaycan Dövlət Opera və Balet Teatrında balet artisti vəzifəsində, 2005-2017-ci illərdən etibarən (əvvəlki BXM, indiki BXA-da) Klassik rəqs və Duet rəqsi fənləri üzrə müəllim vəzifəsində çalışıb. 2010-cu ildə kikboqsinq üzrə Avropa çempionatının, 2011-ci ildə taekvondo üzrə dünya çempionatının, 2017-2018-ci illərdə cüdo üzrə dünya çempionatının açılışında xoreoqraf kimi fəaliyyət göstərib. 2014-cü ildə Şəmkir şəhərində keçirilən şahmat üzrə dünya çempionatının açılışında məşqçi və eyni zamanda ifaçı kimi fəaliyyət göstərib. 2016-cı ildə II Siyasi Dünya formunun açılışında nümayiş etdirilən 150 nəfərdən ibarət flaşmobun və Bakıda ilk dəfə keçirilən Formula – 1 yarışlarının finalının açılışı zamanı “Azərbaycan mirvariləri” rəqs ansamblının məşqçisi, eyni zamanda ifaçısı kimi fəaliyyət göstərib. 2017-ci ildə Dövlət Sərhəd Xidmətinin rəisi general-polkovnik Elçin Quliyevin dəvəti ilə sərhəd qoşunlarının rəqs ansamblının direktoru və baş xoreoqrafı təyin edilib.
Mükafat və təltifləri:
2006-cı ildə Bakı Xoreoqrafiya Məktəbinin Sankt-Peterburq şəhərində keçirilən “Open dans” festivalında təmsilinə görə “Gran-Pri” mükafatına layiq görülüb.
2018-ci ildə Azərbaycanın Əməkdar artisti fəxri adını layiq görülüb.