Allahverdiyeva Roza Zərgər

Təhsili:

Orta ixtisas musiqi məktəbində və Musiqi Texnikumunda akkordeon və fortepiano ixtisasları üzrə təhsil alıb.

2001-2008-ci illərdə Azərbaycan Dövlət Mədəniyyət və İncəsənət Universitetinin Kütləvi tədbirlər rejissorluğu ixtisası üzrə təhsil alıb.

2015-ci ildə magistr səviyyəsinin Rejissor sənətinin tarixi və nəzəriyyəsi ixtisasını fərqlənmə diplomu ilə bitirib.

Əmək fəaliyyəti:

2000-ci ildən hazırkı günə qədər Mingəçevir Dövlət Dram Teatrında quruluşçu rejissor kimi fəaliyyət göstərir.

Azərbaycanın teleməkanında rejissor, müğənni, aktrisa, yazıçı və teleaparıcı kimi fəaliyyət göstərir.

Bir sıra beynəlxalq musiqi festivallarında münsif kimi Azərbaycanı təmsil edib: “Serta Avrazisi”, “Ural mono”, “Vostoçnıy bazar”, “Türk pop estrada etnik musiqi festivalı”, “Abakan” musiqi festivalı, “Meykin Aziya” və s.

 “Sarı Arka” caz festivalının laureatı olub.  

2002-ci ildə çəkdiyi “Qarabağnamə” filmi YUNESKO-nun dəstəyi ilə Fransada keçirilən festivalda I yerə layiq görülüb.

 “Zülmətlər övladı”, “Talelər”, “Leyli və Məcnun”, “Atəş”, “İstanbul qızı”, “Eşqimin köləsi” və s. adlı müxtəlif süjetli kliplərin ssenari müəllifi və rejissoru olub.

Aktrisa kimi bir çox seriallarda rol alıb. “Susmuş vicdan” (rej. E.Cahangirli-2012, rol –Zəhra), “Tək olanda qorxma” (rej. V.Mustafayev-2010, rol-Zeynəb), “Qisas” (rej. A.Abramov-2014, rol- Kəmalə), “100 kağız” (rej. Ş.Zəkizadə — 2015, rol- opera müğənnisi), “Azərbaycansayağı boşanma” (rej.V.Mustafayev-2018, rol- Sara xatun), İctimai TV-də “Oxşarabad” musiqili komediyası (2019, rol- evdə qalmış qız), “Şou-biznesin sonu” (2019, rol- dəli yazıçı), “Bizim restoran”(rej.R.Hüseynov, rol –Gulya xanım).

Dəfələrlə cəbhə bölgəsində olmuş, həm aktrisa, həm də sevilən müğənni kimi əsgərlərimizin qarşısında maraqlı konsert nömrələri və səhnəciklərlə çıxış edərək, hərbi heyət qarşısında 20-yə qədər proqramla çıxış edib.

2015-ci ildə Avropa oyunları şərəfinə 18 bölgədə 18 medalçımızın şərəfinə tamaşa-konsertlə çıxış edib.

20-yə qədər klip, 6 albom buraxan ifaçı-aktrisa 2014-cü ildən müxtəlif telekanallarda (İctimai TV, Lider TV,  ATV) yayımlanan “Bakı vaxtı ilə” verilişinin aparıcısı və müəllifi olub.

Bununla yanaşı 2021 ci ildən ARB televiziyasında yayımlanan «Tam vaxtıdır» verilişinin layihə rəhbəri və aparıcısı olub və bir çox televiziya layihələrinin müəllifidir.

Bir neçə bioqrafik romanın müəllifidir. Onun “Sibir çiçəyi” adlı avtobioqrafik romanı 2018-ci ildə “Kaysın Kuliyev” adına ordenə layiq görülüb.

2018-ci ilin fevral ayının 9-da Dhüseyn Kasiyenovun təşkil etdiyi Türksoyun Türkdilli xalqların mədəniyyət əlaqələrinin inkişafına görə medalla təltif olunub.

Lermontov adına Yazıçılar İttifaqının fəxri üzvüdür.

Moskvada yerləşən Qafqaz Biznesinin Təhsili Elmi İctimai Akademiyasının akademiki adına layiq görülüb.

Bu günə kimi tədbirlərdə təşkil və iştirakına görə 678 sayda Fəxri diplomlara layiq görülüb.

Hazırda Bakı Xoreoqrafiya Akademiyasında İncəsənət fakültəsində Azərbaycan teatr tarixi, Dünya teatr tarixi, Dram nəzəriyyəsi kimi fənləri tədris edir və 2016-cı ildən həmin akademiyanın doktorantıdır. Fəlsəfə doktoru proqramı üzrə “Müstəqillik dövrü Azərbaycan teatrında türkdilli xalqlar dramaturgiyasının səhnə təcəssümü “ adlı dissertasiya üzərində çalışır və müdafiə ərəfəsindədir.